HUISHULP OORVAL, VASGEBIND: MOTOR GEVIND
- Editorial team
- Jan 25, 2018
- 1 min read
VANDERBIJLPARK. - Die gewapende rowers wat vandag (25 Januarie) hier 'n huishulp oorval en vasgebind het se motor is gevind.
Vaalnewsread het berig dat na bewering het 'n onbekende getal verdagtes in 'n rooi Volkswagen Golf 5 met geen registrasienommerplaat 'n huis in Ramsbottomstraat, SE2, beroof.
Dit volg nadat hulle buite die huis gestop het en die huishulp uitgeroep het. Hulle het die eienaar van die huis se naam geken en genoem dat hy/sy vir hulle gestuur het.
Die huishulp is oorval en vasgebind.
Teen druktyd was dit egter nog onbekend of enige arrestasies gemaak was en of wat gesteel is.
'n Soort gelyke insident het in Koos de la Reystraat, SE 1, plaasgevind.
Die motor wat in die SE 2-insident gebruik is, is in Vereeniging langs Burger Box gevind. Nog steeds is niemand in hegtenis geneem nie.
Die Suid-Afrikaanse Polisiediens vra dat alle inwoners versigtig sal wees.
Comments