ROWERS SE POGING TOT INBRAAK MISLUK

VANDERBIJLPARK. - Vyf onbekende mans het vroeër vandag hier 'n mislukte inbraak-poging gehad toe hulle 'n huis in Sammy Marksstraat, SE 2 geteiken het.

Na bewering het dié vyf mans in 'n onbekende rooivoertuig buite die huis gestop en die hek opgelug.

Daarna het hulle die huis se veiligheidshek oopgebreek en die deur oopgeskop.

Die huishulp was besig met haar daaglikse take toe sy 'n lawaai gehoor het. Tydens haar ondersoek het sy die vyf mans opgemerk en om hulp geroep. Dadelik het die mans in hul voertuig geklim en gevlug.

Die Suid-Afrikaanse Polisiediens is in kennis gestel en ondersoek tans die saak.

Meer inligting sal volg.