POLISIE VANGWA BELAND IN SLOOT
HEIDELBERG. - ‘n Polisievrou van Ratanda is hier omstreeks 11:00 v.m. vanoggend (15 Februarie) ernstig beseer toe die voertuig waarin sy en ‘n kollega gery het, van agter deur ‘n polisievoertuig van Duduza getref is.
Volgens Adjudant Offisier Wollie Wolmarans, wat hulp op die toneel verleen het, het die twee voertuie glo ‘n verdagte voertuig op die R23 (Balfour-pad) gejaag toe die ongeluk gebeur het.
Dit wil voorkom of die voorste voertuig gerem het, waarna die agterste bakkie hom getref en in ‘n sloot (oorkant U-Save in Rensburg) laat beland het, berig Heidelberg Heraut.