MAN (25) VERDRINK IN PLAASDAM
- Editorial team
- Feb 19, 2018
- 1 min read
HEIDELBERG. - ‘n Vyf-en-twintig-jarige man het Saterdagoggend (17 Februarie) omstreeks 11:45 v.m. hier verdrink toe hy en sy broer op 'n swemuitstappie was.
Na bewering het die man skielik in ‘n plaasdam in die Groenfontein-plaasgebied verdwyn.
Volgens die Suid-Afrikaanse Polisiediens se Kaptein Thivhulawi Tshilate het die broer gesien hoe die verdrinkeling in die dam spring en onder die water verdwyn.
Die Suid-Afrikaanse Polisieduikers het sy liggaam ongeveer drie uur later gevind.
Foto: Heidelberg Heraut
Comments