GEBLOKTE DREINE: MUNISIPALITEIT SIT ARMS GEVOU

SASOLBURG. - 'n Inwoner hier het Maandag (26 Februarie) gekla oor die geblokte munisipale dreine wat oorloop.

Na bewering is die dreine in die strate geblok en stoot terug na inwoners se huise.

"Die munisipaliteit se dreine is in die straat geblok, maar kyk wat maak dit aan ons huise. Wie gaan betaal as my kind siek word? Ek woon al ses jaar hier, en my huis het nog altyd die probleem gehad, maar nou is dit te erg," vertel Leon Fouche, 'n keelvolle inwoner.

Die munisipaliteit het glo op 23 Februarie sommige dreine begin oopmaak.

Foto's: Leon Fouche